index introductio imagines || partitura exemplar translatio

bibliographia e-mail

CTH 425.2

Exemplar --

Citatio: F. Fuscagni (ed.), hethiter.net/: CTH 425.2 (Expl. --, 09.08.2016)

§ 1

1 -- UMMA mDandanku LÚMUŠEN.DÙ

2 -- mān=kan ŠÀ KARAŠḪI.A akkiškattāri

3 -- nu kī SISKUR iyanzi

§ 2

4 -- [i]mmeūl anda immeyan

5 -- ŠE IN.NU.DA=ya SÍG SA5 SÍG ZA.GÌN2 SÍG GE6 SÍG BABBAR=ya danzi

6 -- nu ŠE IN.NU.DA anda immiyanzi

7 -- n=at KASKAL-aš ḫaddarieš pariyan išḫuwanzi

8 -- nu kišan memai

§ 3

9 -- LÚMEŠ ANŠE.KUR.RA-wa=tta kuēš ŠA DINGIR-LIM DIyarri

10 -- nu=wa kē immiūl ANA ANŠE.KUR.RA piyandu

11 -- SÍG SA5=ma=wa SÍG ZA.GÍN SÍG GE6 SÍG ḪAṢARTI SÍG BABBAR=ya ŠA DINGIR-LIM MUNUS.MEŠSUHUR.LÁ dandu

§ 4

12 -- nu=za EGIR-anda 1 MÁŠ TUR 1 ŠAḪ [TU]R 1 UR.GI7 TUR dāi

13 -- n=aš dammeli pēdi pariyan ANA DIMIN.IMIN.BI arḫa kuranzi

14 -- nu EGIR-anda KAŠ GEŠTIN kuitta 3-ŠU ANA DIMIN.IMIN.BI šipanti

§ 5

15 -- namma=at arḫa uwanzi

16 -- U4KAM-MU MAḪR[Û] QATI

§ 6

17 -- INA UD.2KAM=ya namma=pat QĀTAMMA iyanz[i]

§ 7

18 -- INA UD.3KAM=ma SISKUR iyanz[i]

19 -- nu kī danzi

20 -- 14 NINDA.GUR4.RAḪI.A tarnaš ŠA ZÌ.DA ZÍZ 1 GA.KIN.AG 1 EM-ṢU 3 NINDAān 1 NINDA.KU7 1 NINDA.GÚG 1 DUG.KAS 1 DUGḫuppar GEŠTIN 1 GAL ZABAR 1 GÍR 2 MÁS.GAL 1 UR.TUR 1 É.MÁ.URU5

21 -- anda=ma=kan 30 GIGAG.Ú.TAG.GA 1 GIŠPAN 1 ANŠE 6 DUGGALḪI.A 2 DUGGÌR.GÁN 1 DUG A 2 DUGÚTUL

22 -- nu maḫḫan kī ḫūman ḫandāizzi

§ 8

23 -- nu EN.SISKUR gimri paizzi

24 -- SISKUR=ya gimri pēda[nz]i

25 -- nu kēz kēzziya [ _ _ _ -a]nzi

26 -- nu 1 MÁŠ.GA[L 1 UR.TUR=y]a ANA … [ … ]-a kuranzi

27 -- [ … ] karpa[nzi]

28 -- [ … ištarn]a(?) arḫa uwanzi

29 -- [ … dammeli p]ēdi warp[anzi]

30 -- [ … ]

31 -- [ … ]

32 -- [ … -]zi

33 -- [ … Ḫ]I.A [ … ]

34 -- [ … ] … -ziya(-) … [ … ]

35 -- [ANA DIya]rri DINIM.INIM.B[I=ya _ _ (_) šipan]ti

36 -- [ … A]NA DIyarr[i … ] … apēdaš=p[at(?)]

37 -- [nu UZUNÍG.GIG]ḪI.A UZUŠÀ IZI-it z[anu(w)anzi]

38 -- [nu] kuitta ANA DINGIRMEŠ peran dāi

39 -- nu EGIR[- … NINDA.Ì.E.]DÉ.AḪI.A 3=ŠU šipanti

40 -- nu EN SISKUR ada[nna wekzi]

41 -- [nu 1? M]ÁŠ.GAL NINDA.KU7 NINDA.GÚG ANA DIyarri [DINIM.INIM.BI=ya pera]n(?) dāi

42 -- UZU udanzi

43 -- nu=kan UZUkudu[r … danz]i

44 -- nu=za adanzi

45 -- nu EN SISKUR akuwan[na wekzi]

46 -- nu DIyarrin 3=ŠU ekuz[zi]

47 -- [ … ] ŠA DIyarri DINGIRMEŠMarwāinz[i … ]

48 -- [EG]IR-anta=ma namma DIyarrin 1=Š[U] ekuzi

49 -- EGIR-anta=ma=wa MUNUS.MEŠSUHUR.LÁ LÚMEŠ GIŠGIDRU LÚ.MEŠM[UḪALDIM … ]

50 -- [ … D] … 3=ŠU ekuzi

51 -- nu maḫḫan adanna akuwanna aššanuwanzi

52 -- n[u E]N SISKUR šarā tiyazzi

53 -- nu ANŠE ūnniyanzi

54 -- mān LÚMAŠDA=ma

55 -- nu ANŠE ŠA IM iyanzi

56 -- namma=an=kan IGIḪI.A-wa ANA KUR LÚKÚR andan neyanzi

57 -- nu kiššan memanzi

58 -- zik=wa DIyarriš kēdani KUR-e KARAŠḪI.A-ya idalu iyat

59 -- nu=war=at kāš ANŠE karapdu

60 -- nu=war=at INA KUR LÚKÚR pēdāu

§ 9

61 -- EGIR-anda=ma=kan GIŠBAN ḫūittiyanzi

62 -- nu=kan GIÚ.TAG.GA tiyanzi

63 -- GIÚ.TAG.GAḪI.A=ma peran katta išhuwai

64 -- nu memai

65 -- DINGIR-LUM=wa KUR LÚKÚR kēzza IŠTU GIÚ.TAG.GA šiyaeški

66 -- INA KUR URUḪatti=ma=wa kuwapi uwāši

67 -- nu=wa=ta=kan KUŠMÁ.URU.URU5 ištappanza ēšdu10

68 -- GIŠBAN=ma=wa=ta=kan arḫa tarnan ēšdu

69 -- n=at arḫa uwanzi

§ 10

70 -- INA UD.4KAM mān lukkatta 3 MÁŠ.GAL 26 NINDA.GUR4.RAḪI.A tarnaš 3 NINDAān 3 NINDA.GÚG 3 NINDA.KU7 3 DUG KAŠ 10 DUGGAL 1 DUGḫaneššaš [ … ] … [ … ] pēdanzi

71 -- [nu kued]aniya ANA 1 KASKAL [ … ]

72 -- nu 3 KASKALMEŠ QATAMMA iš - … [ … ]-zi

73 -- ANA … [ … ] kuwapiya 3 NINDA.GUR4.RA [ … ] … [ … ]

74 -- [(…)] kuwapiya ANA 1 KASKAL-NI [ … ] … ANA D[ … ] šipanti

75 -- nu MÁŠ.GALḪI.A arkanzi

76 -- nu kue[- … ] KUŠ ANA GIŠ-ṢI šer paški

77 -- SAG.DUḪI.A=ma=šmaš … [ … ]

78 -- ANA KUŠ anda=pat UZUÌ=ma ḫūman zanuanzi

79 -- UZU[NÍG.GIG UZ]UŠÀ IZI-it zanuanzi

80 -- nu kuella UZUNÍG[.GIG UZUŠÀ (…) per]an=šit dāi

81 -- nu KAŠ GEŠTIN ANA [KASKAL]MEŠ-TIM kuw[apiya(?) … ] … šipanti

82 -- nu tezzi

83 -- DINGIR-LUM kāša=wa=t[ta … ] MÁŠ.GAL paškiyauen

84 -- nu=wa uwaši

85 -- kuwapi[(-) … -d]a au

86 -- nu=wa INA KUR URUḪatti aššul[i … ]

87 -- [idal]auwanni(?)=ma=wa lē namm[a] … [ … ]